統計信息

  • 訪問量: 28363
  • 日誌數: 425
  • 圖片數: 17
  • 建立時間: 2007-04-01
  • 更新時間: 2010-03-15
並唔係你相唔相信有鬼，而係...........................................你能唔能夠知道佢地0既存在。

我的最新日誌

  • 敗犬

    2010-3-15

      「勝犬」是犬，「敗犬」也是犬。即係話，呢個男人眼中，結0左婚同未結婚0既女人，都只係一隻狗而矣。

       當然，既然係一隻狗，就有能力去咬死主人吧。好似古時0既奴隸咁，殺死操控佢地0既主人，先可以掙脫枷鎖，重獲自由。

       有智慧0既女人，何必要中人圈套，爭相為自己套上一個有損人格0既「封銜」？

    查看(24) 評論(0)

  • Impulsive Buying

    2010-3-13

       星期三，同一班網友講緊有關一本雜誌，講到一半，大家已經表示會爭相購買。某些網友所住地區買唔到呢本雜誌，要特登訂購先有。

       講0下講0下，我都有種衝動，想擁有番一本。平時我唔會花錢買書，尤其係雜誌。一本雜誌十幾蚊，大概一半以上內頁係賣廣告。雜誌商真係食兩家茶禮，既收廣告商戶錢，又收讀者錢，仲要讀者俾錢睇廣告。

       不過，抵唔住羊群心理0既我，放工之後走0左去書店，搵哥本雜誌。一定係好耐未買過雜誌，我完全唔知道哥本雜誌屬於邊一科。到底係男性?女性?家庭?生活消閒?定係時事？坦白講，唔係班網友提出，我都唔知有一本咁樣0既雜誌存在。行啊行，搵啊搵，搵0左好耐，終於搵到。

       哥一剎那，我突然問自己：Do I really need this? Can I live without this? 最後竟然兩手fing fing離開書店，心情.....唔識得點樣形容。好似千辛萬苦，終於做出一件事情，但又臨尾埋門一腳撻Q，而且仲係自己決定撻Q。

       其實只不過係一本雜誌而矣，十幾蚊，買0左，擁有過，同網友有得討論，開心幾日，收藏三兩年。最終結局呢？咪就係嫌阻定，送去Recycle囉。呢D其實都已經係Impulsive buying，由最平0既一本雜誌開始，下一次就係小玩意，再下一次就係唔會著出街0既衫，再下一次就係手提電話，再下一次就係名牌袋，再下一次就係鑽石首飾.......一次比一次高價，一次比一次興奮，一次比一次沉淪。係咪好似吸毒咁呢？好多時D人fing錢，簽爆卡搞到返唔到轉頭，就係咁樣開始。

       最PK係，當我離開書店之際，發現泊係門口咪標位架車俾人抄0左牌！罰款價值當然高過本雜誌好幾倍啦！當場即刻有砍頭埋牆0既衝動。 如果我唔係被物慾控制，就唔會去書店，當然亦唔會被抄牌啦。

       唔知呢D算唔算係少少0既現眼報呢？

    查看(7) 評論(0)

  • 狗繩

    2010-3-12

       手提電話0既發明，本來應該係帶0黎方便，讓人活得更自由。但實情係，人類活得更似監犯。

       老表放假落0黎玩，食飯哥陣，睇見佢不停check Blackberry。我話：「既然0黎玩，就無謂理工作上0既事情啦。」但老表都無辦法，要check電郵，因為同工作有關。仍然要工作，咁樣點算得上係放假？

       同人坐係度面對面傾偈，手提電話一響，佢一聲唔好意思都無，就即刻接電話，好似當時面對面傾緊偈0既我唔存在咁。

       有時客人行入0黎，見佢講緊電話，如果佢想我serve佢的話，我都唔鬼采佢，會直接同佢講：「我等你講完電話先啦！」

       甚至有人，對電話鈴聲產生幻聽。明明電話無響，都會即刻拎起個電話0黎聽。

       以前，當自己想靜一下，可以走出街，人地搵你唔到都無符。但現在手提電話無處不在，人地打0黎搵你，搵唔到就鬼殺咁嘈。

       跟本就係奪命追魂call嘛。

     

    查看(24) 評論(3)

  • 幾時來到你所住的地區？

    2010-3-10

    查看(2) 評論(0)

  • 果然要擲西瓜落海

    2010-3-07

       死得太冤枉了。

    查看(2) 評論(0)

  • 骨灰不是人體遺骸

    2010-3-06

       咁係咩呀？奇淫合歡散？含笑半步釘？

       還是為0左自身利益而扭曲事實0既面膜粉？

    查看(21) 評論(3)

  • 繼續來吧！

    2010-3-01

       我已經講過，報復行動係唔會停..........直至人類實質上肯改過為止。

    查看(1) 評論(0)

  • 唔好怪D青少年濫用藥物

    2010-2-28


       家長們自己都想一步成仙，靠食藥0黎達到不求實際0既效果:

       想減肥呀？食藥啦！

       想壯陽呀？食藥啦！

       想變得聰明呀？食藥啦！

       想逃避現實呀？食藥啦！

      

    查看(15) 評論(2)

  • 下次我都要著白衫

    2010-2-25

       仲要戴埋白無常頂帽。

    查看(4) 評論(0)

  • In the name of Jesus Christ, I command you.....

    2010-2-24

       你講呀？耶穌幾時正式授權過你，以佢名義0黎做你所想做0既事呀？

       有無文件証明？人証呢？物証呢？都無呀？

       得啦！

    查看(4) 評論(0)

Open Toolbar