睇完韓劇 [ 大話妹 ] ,

應該幾年前的 , 早排係電視睇過下 ,

咁就搵全套劇煲下啦 ,

開頭個大話妹成日講大話扮野又幾攪笑 .....

中間就悶左少少 , 拖來拖去 , 尾段又幾好笑 !

最後佢講的大話 , 係人都知係假既 .....

但反而令所有人幫佢 ~

劇情就係咁都得 !

有時真係想試下講大話 , 呃下人 ~

唔知可唔可以幫自己解決一些難題呢 !

學無止境 , 唔好以為自己學畫得多就一定好 ,

其實比我畫得更好的大有人在 ,

以為識就少練習 , 只會令自己冇進步 ,

除左學之外 , 練習之後 , 更應參考別人的 .....

比較自己的不足 , 書法 , 畫 , 真係冇話學得完架 ~ 

我 ....... 永遠做個學生啦 !

有親友終於幫我運送五枝毛筆回澳了 ~

實在好感激佢 ,

我上網睇到台灣的毛筆 ,

佢叫朋友在台灣訂 , 之後又寄去佢香港家 ,

再帶回來俾我 !

點多謝佢呢 !

[ 好老土 : 以後俾心機寫好 D 毛筆字 , 當報答佢地啦 ! ]

今朝八點幾起來 , 本來想出去睇日偏食 .........

但原來行出去騎樓都見到太陽 ,

即刻搵舊時的菲林片 , 將頭頭尾尾 , 六張合埋睇太陽 ,

真係睇到太陽被食左一 d 啦 ! 但跟住有好大舊雲遮住左 ,

等左十幾分鐘 , 又睇下 , 食左大半啦 !

如此大自然景像 ,能夠親身睇下 , 真係幾開心架 ! 

用五蚊買左個環保袋 ,

第一次用 , 個底就穿左個大窿 ,

好激氣 , 以後都用唔到 ,

補都補唔到 ,

因為 D 質地好易裂開 .....

唉 !

變左仲唔環保 ~

怪自己買錯野啦 !

昨日是書展最後一天 , 下午去行左幾個鐘 ,

又真係幾多人 , 漫游中 , 當然係周圍 八下 ....

港台真幾多書 , 大陸都有幾多呢 ,

揀左 [ 素描練習 ] , [04的美協會員作品 ] , [ 笑而不答 ] ....

本來想搵 [ 毛冷公仔 ] 書 , 搵唔到想要的 ,

亦舒舊書又冇 ~

見到好多[ 簡單煮食 ] 的書 , 可能啱教傭人呢 !

之後坐在一旁聽一位作者講她在沙漠的故事 !

行到夠 , 回家去 ~

上網睇到一 D 毛冷鉤成的小蛋糕 ,

我試下鉤出來 , 鉤一個 12 CM 的小蛋糕 .

鉤埋小小花 , 小西瓜粒 , 小花芯 .

唔知似唔似 .....

不過 , 鉤下都幾開心 ~

行過盧九花園附近 ,

見到一棵有番荔枝的樹 ,

好似有幾個 ......

唔知有冇人想採摘呢 !

今次書展唔知有冇我想要既書 ,

想搵亦舒早期的小說 ,

想搵多動腦筋的書 ,

又想搵手 工 藝的書 ,

最怕睇簡體字的書 ,

香港 , 台灣出版的書都啱我 ,

得閒去睇下先 .

借左本鉤冷書 ,

試下鉤生果仔 , 睇書都幾難明 ,

唯有估估下 , 比起織仲難呀 !

我真係幾蠢 ........

係書店睇到教鉤毛冷公仔書 ,

都幾貴 , 要成八拾幾蚊 ,

以前鉤頸巾 , 鉤披肩都試過 , 但未鉤過公仔 ,

真係想試下 ,

搵日去圖書館借 , 或者返大陸買 D 平平地 ....

鉤到就好啦 !

係某文具舖見到一個人像石膏頭 ,

比真人細 d , 大約三佰蚊 ,

不過封晒塵 , 同埋接口唔係好滑 ,

好似冇藝術博物館學畫的石膏像咁好 !

買唔買呢 ~

買左返屋企對住慢慢練都幾好架 !

唔知邊度有平平地 , 又靚靚地 .....

又有冇得租用呢 !

實在太熱了 ,

唯有呢埋係屋企 ,

冇咩好做 ,

咁就油下油下啦 .....

試下油細細幅 , 塊板 4 元.....

油左個幾鐘 ~

睇左金光名曲 , 聽返好多舊歌 ,

好多歌詞 , 歌曲都令人回味 , 百聽不厭 !

如今的流行曲 , 好多都唔識 ,

有時什麼勁歌之類 , 都好少聽了 !

所以舊懷金曲都係值得重溫的 ~

回味之餘 , 又會憶起當年的情境 ,

有時酸 , 有時苦 , 亦有時快樂 ! 

啱啱有人俾兩張今晚 [ 金光名曲演唱會 ] 飛我呀 !

八點鐘開場 , 好彩今晚冇約人 ,

沖左涼 , 食少少野 , 帶埋個望遠鏡 ......

去聽歌 , 睇野 !

多謝 ! 多謝 !

到藝文館睇 [ 視藝作品 ] ,

睇睇下 , 有幾件作品好鍾意 ,

有 D 係內容 , 有 D 係構圖 ,

書法好多都鍾意 !

國畫就未有特別喜歡的 ,

油畫啱我睇多 D ,

我漏左一幅 [ 十佳油畫 ] 冇影到呀 ,

佢畫得好好好 !

由於新流感影響 ,

教會暑期辨的興趣班要停止了,

不用去幫手了 , 只好留在家中 ,

自己練習呢 !

俾自已練好 D 素描 ,

畫多幾張油畫 ,

再整多幾隻布公仔 !

今日中午返大陸飲茶 , 過關唔係好多人 ,

出左關 , 行去附迎的金 X 啦 ~

晒得好利害 , 上到去 , 非常多人 ,

話要等半個鐘 , 真係唔知等唔等好 ...........

突然俾我見到我細佬 , 佢一家三口啱啱等到位 ,

哈哈 ! 咁就一齊啦 ! 叫左好多野 , 食得開開心心 !

不過下次我都唔會咁去了 , 原來咁多人架 !