原來今日下午 [ 台山活動中心 ] ,

有個聯於國畫的講座 ,

點解我收唔到訊息架 ~

邊個講 ? 講咩呢 ?

想知 ............

咁就要去到先至知 !

昨日下午的盧九悠 , 用手機影左幾張荷花 .

記得幾年前 , 我係荷塘畫過荷花 ......... 用針筆的   ,

最好笑係寫左一半 , 因為有事走了 ,

第二日去到想再照住畫 ,

但形態完全唔同晒 ! 只好放棄畫開的 ,

從新再畫過第二朵 !

下午兩點 , 又焗又熱 .....

走了入盧九花園裡面 [ 春草堂 ] .....

裡面有書畫展 .

清靜 , 涼快 , 又有野睇 .....

一邊聽 mp3 , 一邊睇別人的作品 ! 好舒服 !

之後出去睇荷花 , 影荷花 ~

荷塘 d 荷花 , 又多又大 .........

《翻生侏羅館》又幾攪笑 !

埃及法老王、神鬼戰士、侏羅紀暴龍、復活島巨石、西部牛仔、印地安公主，甚至匈奴王通通翻生，

連一些名畫的畫面都動起來 , 得啖笑 , 都好啦 !  

係 Facebook 玩心理測

樂觀指數30% - 超級悲觀的人

身處在快樂的氣氛中就會突發一股滄涼落寞感，

哭泣感嘆美好時光可能等一下就消失，

美好事物總是不長久……，

唉！你的想法就是這麼悲觀，實在不知道該如何說你才好！

原來我不是一個快樂的人 ...... 我成日想快樂 , 想開心 !

但快樂原來很難得到的 ~

我真係要試下改變自己的想法 , 做法 ~

盡量令自己開心 !

通常一大堆人坐埋一起時 ,

有時都會表現下佢地 D 優點 ,

如何比人聰明 , 如何出眾 , 如何搵到著數 .....

講到自己點叻點叻 ......

我好怕加把口去讚 , 更唔會奉承佢 .....

變左好似冇表示咁 ~

相比之下 , 我更是一無事處 ~

其實天生我材必有用 , 我講野唔叻 , 唔去表達 ......

唔等於我永遠都失敗 !

我似井底蛙 ..... 但在平淡的生 活裡找到滿足 , 快樂便得了 .

與一個老人家傾談 , 佢成日話自己有病 ,

話冇人同佢傾計 , 好孤獨 , 晚上又失眠 ,

懷疑自己有精神病 , 好唔開心 !

我心想 , 退左休 , 子女又不用照顧 ,

佢是否應該享下晚年呢 !

把時間用來自己享用 ,

晨運 , 飲茶睇報紙 , 中午午睡 , 去下社區 ,

行下公園 ....... 鍾意約下三五知己飲下午茶 , 打下麻雀 ~

晚上與兒孫晚飯 ~　得閒搵下有益的食譜 , 學下點整 , 煲湯 !

一天應該好快過的 .......... 不知她是否同意呢 !

我家姐早幾日 ,

未天光就去葡韻影荷花 .

 D 荷花開得又多又大又靚 !

仲有蜜蜂採蜜 ,

一定又香又甜 .......

係我自己唔去搵呢 ,

錯過了地方 , 錯過了時間 .........

下午之後行去塔石廣場睇花 ,

見到好多綠色植物 ,

但好少荷花 , 好多未開 !

行了一個圈 , 只見到幾朵開了的 ....

不過行下都幾好 , 聞下花香 , 草香 ~~

再行又睇到有魚仔呀 , 好細好細條架 ~

晚晚都追開 [ 食客 ] , 終於都完了 !

跟住又錄埋 [ 花樣男子 ] , 草埋幾集一次過先至睇 !

[ 敗犬女王 ] 睇左一半 ,

對眼真係幾忙架 !

生 活就係咁簡單 ,

有娛樂 , 時間過得好快架 ~

唉 !

大雨驚水浸 , D 衫又冇地方晒 ,

出街要帶遮 , 鞋又濕 , 褲又濕 ........

街市濕滑滑 , 義字街迫壓壓 .........

唔通成日喱係屋企 ~

要食飯架 !

有人幫手買餸送上門就好啦 ~

肉 , 菜 , 瓜 , 豆 .....

( 咁早就發夢 )

明日有得睇 ,

好似盧九花園 ,紀念孫中山公園 , 花城公園 , 塔石廣場 , 葡韻 .... 都有得睇 !

希望有時間去睇 , 有時間去影相 ,

最好就係有時間去寫生 .......

希望個天晴晴朗朗 , 唔好落大雨 ......

蟹 ..........

今日係下環街市買到奄仔 ,

買左四隻 , 七十幾蚊 ~

一於蒸啦 , 細細隻 ,

但又幾鮮咁 , 好耐都冇食啦 ~

參加培訓班 ,

如何講故事 ....

如何與小朋友共讀 ,

要有誠意 , 亦要有童心 ,

小孩子喜歡看圖聽故事 ,

學了幾堂 , 吸取別人的經驗 ,

拿起故事圖書 , 慢慢地講起故事來 !  

許多兒童故事是好好聽的 !

老人家做了腦手術 ,

翌日當然會有好多仔女孫兒上去探望 ......

但中午去到山頂醫院 , 取了探病紙 ,

然後一個上去探完之後 , 俾張探病紙下一個上去 ....

入病房前要登記資料 , 係咁六個人 ,

每日十分鐘 , 咁就用左一個鐘 ~

真係好無耐 , 有老有嫩 ,

唔可以一齊入去探病人 ,

要係樓下等呀等 ~

昨晚織呀織 , 一邊煲劇一邊織 ,

織左兩個鐘 , 件背心可以開夾了 ,

細心睇一睇 , 發現原來起花之後錯左兩行 ......

唔係好明顯 , 但如果著係身 , 我見到就會唔舒服 ,

拆啦 ! 兩個鐘的心機就冇左 ,

但如果唔改 , 以後只要對住佢 ,

都會覺得自己有錯 .

知錯就要錯 ~