星期一早上大陸飲左茶 , 行落地下商場 ,

搭中旅車去深圳 , 行程不用三個鐘 , 就到寶安機場 ,

再轉乘的士去寶安市內搵英國回來的朋友 ~

在 [ 都之都 ] 酒店飲下午茶 , 閒話家常 ,

再在附近行商場 , 購物 ~

晚上一大班人聚在一起晚飯 , 在附近的賓館住左一晚 ,

一教訓到中午 , 飲茶 ! 行街街 !

在寶安車站買飛回珠海 , 車程超過三個鐘 ,

返到拱北自然食少少野之後去按腳啦 .

食埋飯返屋企 .

去日本北海道時 , 係12月份 跟團在香港出發 ,到東京轉機到北海道札幌 , 當晚並冇睇到雪 ,

第二天到小樽古運河時 , 就睇到雪景 , 之後在附近的水晶音樂城漫步 , 小樽有些咖啡店飲完咖啡可以把咖啡杯帶走的 ,去和洋食魚生壽司 , 到白之戀人睇朱古力工房 , 晚上凍到暈之時 , 浸溫泉 , 不準穿衣服 , 好彩在煙霧迷幻中什麼也看不見 .....

第三日上二世古雪車場 , 兩個人揸一部雪車 , 一架跟一架排隊上山 , 沿路落雪 , 但上到山上停雪了 , 深深的雪有一米深 , 有人卧在雪上不怕凍 , 下午去留山滑雪場 , 晚上試下懷石料理 .

第四日在洞爺湖觀景 , 去睇昭和火山 , 又去熊牧場睇以前的白熊 , 火山村 , 中午去海鮮市場自購海解打邊爐 , 下午在狸小路自由行 .

第五天早上在 OUTLET 買平野 , 然後由 [千歲機場 ]飛 [成田機埸] 飛回香港

紀念品有少少 .

記得去荷蘭睇花時 , 是復活節 , 由英國乘坐 [ 歐洲之星] 經比利時到荷蘭 , 一家三口 , 加三個子侄 ...

去到即刻往遊船河 , 大約一個鐘 , 遊船用玻璃包圍 , 方便四周圍遠望 , 經過很橋底 ,沿河都是一幢幢樓房 , 幾優美 ,寧靜 !

之後去鑽石廠睇大鑽石 , 鑽石打磨 . 晚上到紅燈區步行 , 睇下花街小巷 . 還到賭埸碰下運氣 !

第二日參觀造荷蘭木屐廠  , 又到風車村 ,

河傍的風車屋很大 , 空氣很清新 ,很自然 ! 

然後去荷蘭花展的大花園 , 裡面四周圍都種滿鬱金香花田 ,

整個花展是在大自然中 , 小橋流水 , 噴泉 ,小湖裡鵝鵝暢泳 , 

之後到小人國 , 那裡將荷蘭出名的名勝縮小 ,漫步欣賞 !

傍晚到鹿特丹晚飯 .

第三日經比利時 , 在原子球  

再到 [ 小童尿尿 ]    附近自由行 .

再乘歐洲之星回英國的 [ 滑鐵爐] .

三日行好多地方 , 但沒有去梵高博物館令我很失望 !

買的紀念物品係荷蘭特產 . 及梵高的油畫郵票 .

當年是暑假時去的英國探親 , 在英國唐人街報團的 ,

七日可以去三個國家 - 意大利 , 瑞士 , 德國 ..

第一日英國乘飛機到羅馬 ,抵達時已經傍晚 , 坐旅遊巴夜悠古城 ,

第二日在羅馬行文化古城 , 處處都是古蹟 ....

再到梵蒂崗 , 排隊入聖彼得大教堂 ,

睇好多聖像 ...之後行羅馬鬥獸場外面 , 但沒有購票入場 .

午後到 [ 願望許願池 ] ,

佛羅倫斯 , 百花聖母院 ,晚上到 Pisa . 住的地方十分落後 ...

第三日在比隆斜塔附近影相 ,

斜塔真的很趣怪 ! 

又到皮革中心買皮具 , 皮褸等 ..

之後乘車往水都威尼斯 , 酒店附近地方相當優靜 , 傍晚在河邊散步 !

第四日乘船往水城 [ 威尼斯 ] , 人來人往 , 十分熱鬧 ,

很多小橋 , 河道 ..... 城內可以步行或坐船仔 ,

我們慢步聖馬可廣場 , 入大教堂睇壁畫 , 又到玻璃廠睇吹玻璃公仔 ..

下午便乘車前往瑞士 , 沿路風景優美 , 大川名山盡入眼簾 , 不過氣溫漸漸下降 , 抵達硫森時已經入夜了 ~

瑞士山中有很多獨立小屋 , 遠離繁塵 , 空氣十分清新 ,

第五日早上往鐵力士山睇雪 ... 乘三種吊車上山 , 由於大風雪 , 沒有到最高那一層落腳 ...

在其中一山上 , 在千年積雪的山內 , 雲霧雪裡 , 如在仙境中 ..

落山腳時 , 常常聽到牛鈴聲 , 十分可愛 !

下午在硫森自由行 , 看河流 , 欣賞湖泊風光 , 如在畫中 .

當然會去睇瑞士聞名的名錶 .... 瑞士的消費很高 , 飲食都十分貴 !

第六日早餐後 , 乘車沿萊茵河往德國 , 途經萊茵河大瀑布 , 停下來影相 , 聽聽大瀑布的水聲 ,

到了渡假勝地 [ 狄的斯湖 ] , 睇 [ 喔喔鐘 ] , 自由活動 !

可能住的酒店在郊區 , 很靜 , 沒有什麼活動 .

第七日早餐後 , 在市區散步 , 購物 , 午後乘飛機回英國 ....

這次旅行當然買了瑞士的朱古力 , 手錶 , 意大利的皮帶 , 錢包 ,威尼斯的小丑面譜 .... 

紀念品是三個國家的鎖匙扣及瑞士牛鈴一個!

當年是與朋友自由行去的 , 機票 + 酒店

十月尾的里斯本 , 天氣很好 , 不會很凍 , 涼涼地 ,

在 CASCAIS 食燒雞 , 行下海灘 , 去哥倫布商場購物 , ( 馬介休及紅腸都很平 )

在 Bele`m 吃葡撻 , 行聖堂 , 上去大耶蘇 , 去舊皇宮 ....

當然還會去歐洲最西的地方 , 買張証書 .....

其實在里斯本好易行 , 搭火車 , 地鐵都很易去到旅行地點 !

食又不很貴 , 而且與澳 門葡國菜有 d 相同 ,

記得行街市時 , 遇到個小販 - 婆婆 ,

佢話以前係澳 門高士德附近度住 .... 好有親切感呢 ..

有些地方好似澳 門街的 , 例如地上的石仔路好多花樣圖案 ~

沒有買什麼手信 , 紀念品當然是會變色的葡國雞啦 ~

記得去英國探親時 , 約了幾位親友由英國坐歐洲之星去法國行幾日 ....

春節英法很凍 , 而且很快便天黑 , 在英國去法 國要幾個小時 , 

訂了法國的酒店 , 買了車票 , 睇地圖自悠行 ...

巴黎的聖母院 , 塞納河畔景色都很美 ,

入羅浮宮行了幾個鐘 , 盡量揀想看的 , 很多大幅的油畫和大理石像 ~

原來 [ 永遠的微笑 ] 不是很大張 , 而且要排隊離遠睇 .

去凱旋門 , 香榭麗大道 , 在老佛爺商場飲下午茶 ~

上艾菲爾鐵塔慢悠 , 又去迪士尼樂園玩 .......

坐地鐵 , 火車 , 巴士 , 步行都是睇地圖 ,

法國的地鐵很污糟 , 晚上很多醉酒佬 ,

我們多數是食快餐 , 因為法國菜很貴 , 中菜亦少 ,

法國巴黎是繁榮的地方 , 能踏足此地當然大開眼界 , 但沒有瘋狂購物 ,

香水必然要買的 ...... 另外買了的 ....  

當年是暑期去南非的 , 報團由香港出發 , 十日 !

晚上飛 , 大約飛十二個鐘到達 [約翰尼斯堡] ,

再乘機到[開普敦] , 天朗氣清 , 很舒服 , 午餐很豐富 , 有鮑魚粥食 !

之後去睇駝鳥 , 覺得好醜怪 ! 又去海洋水族館 , 大開眼界 !

大浪的灣及好望角都比較寒涼 .......

去睇下瀑布仔 , 小峽谷 , 桌山 , 小企鵝等等 ....

當去參觀治金的地方時 , 手捧過一大舊黃金 , 真係笑到見牙唔見眼 !

最好笑是去國家動物園 , 在車內周圍去等獅子 , 豹 , 猛獸出來 , 等到眼瞓 ~

開心的事 , 在迷城皇宮住兩日 , 間房好大好大 , 有廳有房 , 浴室都兩個 ~

迷城皇宮裡面 , 睇下歌舞 , 行地震帶 , 或池畔漫遊 , 還有小沙灘 , 羅馬浴池 , 商場及賭場等等 .

手信一定有買駝鳥蛋 , 還有一樽混合兩種海的水 ....

另外還有水晶 , 水杯呢 ~

另外買了一隻大鴕鳥蛋回來 , 自己畫花 ...

當年的春節 , 一家三口跟親友坐十幾個鐘頭飛機去英國探親 ,

到英國時天剛亮 , 坐兩個幾鐘的士去到親友家 , 是倫敦以外的小鎮 ,

覺得天很藍 , 天空很高 , 亦很凍 , 但沒有遇到落雪 !

沒有想像中的天陰 , 多雨 , 多霧的感覺 ~

去的地方由親友安排 , 坐火車時覺得很平靜 , 但在倫敦搭地鐵就覺得好污糟 , 很亂 !

到倫敦的白金漢宮外面觀看換兵 , 在唐人街食中菜 ,

還到格林威治, 牛津 , 溫堡頓 .... 等地方~

亦有去大公司悠悠 ~

英國沒有什麼特別好食的 , 多數食薯仔&炸魚 , 牛扒又貴又硬 ! 

但古老的建築物很優美 ~ 小鎮很寧靜 , 多數步行去搭火車 ,

給人很悠閒的感覺 !

去左幾次旅行 , 都係成班人去 ,

而去韓個就真係得我地倆個人跟團呢 ,

那年的聖誕節 , 難得地可以去下韓國四天悠 ,

雖然食的東西不合口味 , 什麼人參雞 , 韓國燒烤 .而且天氣很凍很凍 ~  

但去賭場贏了少少 , 去滑雪亦沒有受傷 ,

只是在樂園裡因為怕凍而躲在室內飲咖啡 !

開心的是看到一陣陣飄雪 ......

而這幾天裡 , 是兩個人在一起 ,

回想起來 , 除了結婚旅行之外 , 那次是第一次二人旅行呢 ~

在韓國買的紀念東西不是很多 !

記得第一次去台灣是與同事一起去的 ,

由澳 門機場起飛至台北 ,

但台灣是有颱風的 .... ( 家人曾勸我不要去 )

去到台北 , 風大雨大 , 很多地方休息 , 只好乖乖的留在酒店內找節目 ,

記得有一天是坐旅遊巴由台中到台南 , 漫長的行程 ,

唱歌 , 講笑話至睡瞓 .....重複又重複 ~ 

難忘的事 , 去買什麼靈芝 , 當我被講到想買時 , 大約港幣三仟幾 ,

咁就用信用卡找數啦 , 點知個卡唔得 ,

咁我即刻話唔買了 , 雖然有同事話幫我 , 但我心想 , 唔買就算了 , 冇謂借錢買呢 !

回澳後 , 家人話個卡幫左我 , 起碼慳左幾仟蚊 ~

又記得台灣的手 工 藝店很多野睇 ....

當然會買一些東西留念啦 ~

當年去泰國 , 自己人都有十個 , 十歲至六十歲 , 老老少少由香港起飛 ,

知道第二日會打風 , 所以提早一日到香港 , 十個人住係一間屋裡面 ,

早上飛機起飛之後 , 便掛八號風球 ,

玩左五日 , 第一次睇歌舞團見到人妖 , 個男人真係好靚 ,

坐玻璃船睇珊瑚時好好笑 , 果隻船仔細細隻 ,

船底是用玻璃造 , 叫我們用大毛巾遮住晒 ,

望入水底就睇到珊瑚 ....

之後去下廟 , 去下公園 , 去下樂園 .....

開心是大大小小都一團和氣 , 有下美好回憶 !

仲買左紀念品 ~

記得第一次去星加坡 , 亦是與同事去的 ,

星加坡的空氣好 , 治安好 , 但每一天中午都落一場雨 ,

記得在聖淘沙玩得很開心 !

而馬來西亞好似落後少少 ,

在雲頂的賭場玩左一陣間 , 但沒有錢贏 ~

一大班人去旅行 ,

通常在晚上集中在某一間房間裡 , 嘻嘻哈哈的食生果渡過 ...

今次買了一些郵票 ,錢幣及鎖匙扣作紀念品 , 留在柜子裡 ..... 閒時欣賞 !

想當年 ....

去完北京回來幾天 , 就去東京 ,

一家三口跟旅行團 , 往香港再飛去日本 ,

日本當然先進很多 , 只是吃得不是太好 , 玩了幾日 ,

又約到舊朋友在酒店見面 , 真的開心 ,

在買本買了一兩件有日本頭像的衫 , 但回來都沒有穿過 ....

回程坐飛機時 , 遇到氣流 , 三個人攬埋一齊 , 手握住手 .....

高高低低 .... 有些害怕 !

日本的手信當然是草餅啦 !

而紀念品就自己保留呢 ...

記得 .........

是學校攪的 , 全程大約三十幾人 , 地點是北京 , 八月頭出發 , 天氣很熱 ~

第一次坐飛機 , 真是驚多於喜 , 由廣州飛往北京 , 幸好飛行期間大班同事嘻戲 , 很快渡過 !

按行程表去的地方都很新奇愉快 , 最慘是自己不懂聽和講 , 錯過很多娛樂 !

還有是飲啤酒平過飲蒸溜水 .

留下深刻事件有 : 買了紀念品之後 , 才發覺買很貴 , 遲些買仲平 ....

不如意的事 : 回程時 , 機位不夠 , 要分批上其 他飛機 , 一有位便拿起行李上機 , 有點兒不開心 !  

但亦買了一些紀念品 , 放在柜裡 , 空閒時拿來欣賞 ...

想了很久 ,

如果可以把層經旅悠過的地方從回憶中寫下來 ,

然後慢慢地細看 , 回味當年的樂趣 ~

讓我把走過的地方 , 留下過的足跡 , 歡樂的 , 自悠的 ... 都記下來 ~  

[ 旅 悠 篇 ]就是我的旅悠回想曲 .....