雖然我叫公主, 但其實我係灰姑娘

我的最新日誌

  • 天有 / 無 眼?!

    2010-1-27

    究竟天是否有眼?

    我不敢說有, 也不敢說無.
     
    我沒有害人, 即使被人害, 都只是接受, 或者保護自己, 沒有反擊,
    做事總算對得住良心, 過得自己, 也過得別人.
    沒有玩弄感情, 是真心喜歡一個人. 還到不喜歡的人, 也沒有差遣他做事.
     
    是一個好女孩嗎?
    很多人說是.
    或者在男生眼中,
    我只是個好女孩.
     
    好女孩其實只想有位喜歡的男人愛鍚自己,
    但男人卻選擇別的女人.
    看著喜歡的男人和別的女人甜蜜著.
     
    這好像在告訴我, 好人不是就會有好報.
    "那人不是最好呢". " 你的mr. r 還未出現呢"
    ......
    已經聽得太多了, 失去信心了.

    查看(26) 評論(1)

  • status

    2009-12-22

    今日你將你既status由單身變成穩定交往中,
    當然呢個唔係今日既事,
    因為我之前已經親眼睇到,
    不過我仍然好care你,
    包括你既status.

    查看(30) 評論(2)

  • Happy Birthday

    2009-12-19

    Wish you happy everyday!

    查看(14) 評論(0)

  • 陰鬱...

    2009-11-23

    希望春天快點到,
    因為冬天很陰鬱.

    查看(48) 評論(1)

  • 天氣凍了..

    2009-11-16

    今日真係好凍啊,
    你有無著夠衫呢?
    我諗應該有的, 因為你會識得照顧自己
    要注意休息唔好病啊!

    查看(22) 評論(0)

  • 我要堅強

    2009-11-14

    我要堅強,
    當一個人在急症室等候時, 不要害怕.
     
     

    查看(82) 評論(7)

  • happy halloween

    2009-10-31

    今日是10月31日,
     
    一年前的今日, 印象深刻,
    這樣就一年了,
    是的, 一年了...
     
    happy halloween

    查看(54) 評論(2)

  • 兩個世界

    2009-10-05

    我諗我地係兩個世界既人
     
    我並唔係你想像中咁好, 我同m小姐雖然係朋友, 但我並唔係佢果種人
    我唔係好著重物質生活, 食煙飲酒既地方唔係好岩我
    佢地係國色天香, 我係一個平凡村姑
    你睇慣佢地, 你會覺得村姑好差的
    所以你讚我個樣甜, 我都覺得幾意外, 因為從來都無人咁講過, 包括我自己都無咁諗過
    不過女仔比人讚都係會開心既, 多謝你.
    仲有我個人好悶, 睇電視通常都係睇新聞, 會同人講下時事政治觀點, 人地唔去投票又會問點解, 同埋覺得人地無盡公民責任...
     
    我地係唔同圈子既人, 唔係話邊個好唔好,
    只係你期望越高, 失望越大
    我知其實你係一個可愛內儉既人
    或者一齊都太早,
    或者只係我想得太多
     
    對...應該只係我想得太多.........
     

    查看(63) 評論(3)

  • 心理準備

    2009-9-25

    其實我有心理準備係一個人過
     
    有2個朋友(分別係1男1女)聽到我咁講, 都覺得好驚訝, 男性朋友仲話印象好深刻, 令佢諗好多野
    大家又可能會話我太悲.
    其實我只係收起美好既幻想, 現實d咁想一想
    眼看身邊一d條件(裡和外)比我好既女性友人, 都是單身一人
    自己又點會唔知現實情況係咩一回事?!
    有心理準備總好過每一日都係度做hunter, 視每個男人都係獵物
    再問自己幾時可以結婚, 用盡咩風水術數
    咁樣實在太攰.
     
    要搵一個鍾意既人, 好難
    要去奪取一個男人既芳心, 好攰又好難
    大家都相愛, 真係唔易, 全地球大約只有10個人係同你有緣, 當中包括男人同女人
    所以點可以唔有心理準備?!
     

    查看(66) 評論(5)

  • 記住幫過自己既人

    2009-9-10

    一個人幫過我, 對我好過, 我係會記住.
    所謂記住, 唔係你幫我一次, 我就還一次比你果種,
    而係我呢一世都會記得你幫過我, 對我好過.
    所以如果有一日, 你發現我唔再感激你,
    並唔係我忘記左你曾經對我好, 而係你做左d 野係過份到蓋左你既好,
    令到我唔想再同你講野.

    查看(52) 評論(2)

  • 愛一個人係咩意義

    2009-9-08

    今日我又學識多一樣野.
     
    當我同朋友講緊, 而家澳門d男人好多都成個大少爺咁.
    朋友就話: 如果真係愛對方, 自然就會細心主動
     
    但好多男人真係無呢d意識架嘛...
    朋友又話: 咁就要睇下佢知唔知愛一個人係咩意義. 人唔識得點去愛人, 可能根本未明白愛既真正意義, 因為未曾有被人愛過既體驗.
     
    頓時覺得自己好似讀左10本書咁.
     
     
     
     

    查看(43) 評論(1)

  • 要求多多

    2009-9-04

    今日學識左咩係el nino 和la nina
    唔知既仲以為佢係氣象局局長, 可以將天文現象及名詞解釋得咁詳細.
    我同佢講, 佢真係見識廣博, 如果澳門d男人有佢一半咁好, 咁就好了...
     
    大家可能覺得我港女上身, 想嫁一座圖書館.
    不過咁, 如果係一座圖書館, 又會加d分既...
    我唔駛要一篇論文陪我食飯, 好似一份免費報紙咁, 最重要既事知道下, 我已經覺得好滿足,
    如果連澳門立法會選舉都唔知幾時舉行, 我實在會睇唔起佢係一個讀過下書既年青人
    唔駛係百科全書, 但都唔好係一本八卦誰誌呀?!
     
    各位可能又覺得我要求多多而且高,
    如果係咁, sorry, 就當我要求真係高.

    查看(290) 評論(5)

  • 野孩子終於找到真命天子

    2009-9-01

    大家不要急著恭喜我，因為我說的野孩子不是我。

     

    是千嬅。

     

     

     

    真的替她高興。

     

    丁先生出名是花花公子，經常有人說野孩子千嬅與他不相配，或者配不上。

     

    花心，只是未找到一個能令自己專心的人吧？

     

    被人稱花心的人，往往比人更專一，

     

    當他找到一個令他著迷的人，他的心思只會放在這個人身上，無暇也不願分神。

     

     

    查看(35) 評論(0)

  • 長呀長...

    2009-8-28

    可能有人睇到呢篇日誌, 會想打我一鑊.

     

    我今日起身洗面照鏡果陣, 發現下眼睫毛長左!!!

    Wahaha~用左修護睫毛液4日, WOO~有成效哦.

    認識我既朋友都會大叫: “咩話?!你仲有得長???!!!!”

    然後不到3秒就會問: “咁你用邊隻修護精華啫~”

    實不相瞞, 其他人搽左Mascara( Volume + lash )先等於我化妝的情況,

    我仲成日係度嘈: “呢隻Mascara唔係幾好用, 唔夠長唔夠密唔夠捲曲”

    我認我都幾貪心.

    貪乜? 貪靚囉.

    W最頂我唔順, 佢會話我: “駛唔駛長到插死前面個人呀?!”

    咁又唔駛, 電死人就可以了~

    查看(22) 評論(0)

  • 是日語錄

    2009-8-28

    公主：＂好曬呀對面街！＂

     

    Ｗ：＂我地有帶遮呀，人地一家大細都係咁行。＂

     

    公主：＂你估你仲係ＢＢ仔咩？女人去到２５歲，就唔可以暴曬架啦！＂

     

    Ｗ：＂殊…作死你咁大聲，駛唔駛比全世界知道我２５歲！！！＂

     

    公主：＂你估你唔講，就無人知咩，睇都睇到啦。＂

     

    Ｗ：＂嗚…我而家望埋去係咪好老???????”

     

    公主：＂咁又唔係，不過一睇就知唔係１８歲囉。＂

     

    然後公主又話：＂估唔到我咁快就要用Estee Lauder…＂

     

    W：＂我已經用左好耐！＂

     

     

     

     

    唉, 女人除左要諗方法討好男人, 做好工作, 仲要諗點樣留住青春, 點樣打扮, 想唔老都唔得!!!

    查看(28) 評論(2)

  • 原來今日係七夕

    2009-8-26

    今日睇情區先知, 原來今日係七夕.

    中國情人節啊, 無情人既我, 咪好似平時咁過囉.

    之前有人講過我知, 係呢一日要拜神, 咁樣愛情就會順利,

    阿媽以前都有講過我知, 呢一日要用新既化妝品黎拜月亮, 咁人會靚, 愛情又會圓滿.

    我諗我今日唔會走去買盒新既make up powder, 雖然都就黎用晒.

    因為我想留返多個錢錢係身, 一個小女人,係要為自己著想下,

    當無人可以係身邊做依靠, 咁有錢錢既生活起碼會過得開心D.

    查看(83) 評論(5)

  • 何時披嫁衣

    2009-8-25

    今日阿媽幫我掛起早2個月前做姐妹果條裙,話我整到條裙巢晒
    果條裙我都幾鍾意,係淺紫色, 將來我既婚禮都想用呢隻色黎做姐妹裙,
    呢一年, 好多人結婚, 有熟既亦有唔熟,
    相熟既朋友, 結婚後已經急不及待要生仔, 出年就有bb玩
    望住呢條淺紫色既姐妹裙, 我幾時先可以披婚衣, 幸福咁挽住我既王子踏進禮堂呢?
    要嫁應該唔難, 嫁比鍾意既人最難
    好多時因為太愛, 太執著 無辦法一齊
    唔愛既, 就唔想一齊
    我諗我都要浮沈多一段日子,
    希望我既王子唔係位於地球另一端啦
    我驚太遠, 撞唔到...

    查看(123) 評論(8)

  • 我都想自己係鳳凰...

    2009-8-23

    昨日睇到篇blog, 係講d 人話blog 主唔知足,blog 主就寫返d 感受出黎, 其中一句我覺得佢講得好岩
    " 我用我有既野, 去換我無既野, 咁都唔岩咩?!"
    oh!好有道理喎,
    正如你衣櫃有呢個款既衫, 你梗係買過第二個款啦, 唔通又買件一樣或者差唔多款咩?!
    blog 主成日比人話佢貪羨虛榮, 自己月入一萬, 搵個月入幾萬既男人
    我覺得, 佢又比果d男人睇得上眼, 係佢本事, 你估個個都可以飛上枝頭變鳳凰?!
    如果果d普通月入8千的女仔比果d男人睇中左, 你估佢地唔會上釣咩?
    個個女仔都想嫁得好架啦.....
    大家其他條件一樣, 只係一個有錢一個無錢, 會點揀? 唔駛我講...
    階級觀念的確存在, 但心入邊果級大過外邊果級
    自己心入邊都唔覺自己係鳳凰, 邊個信你係?
    當然, 如果自己係隻走地雞, 咁就要現實少少...
    係追求成為鳳凰之路, 有得有失, 可能最終得唔到大樹, 亦無晒d小草.
     
     
     
    ********************************************************************
     
     
    朋友f "提醒" 我, 我講過自己鍾意挽著朋友的手行街.
    係咩? 好似係, 自己都唔記得左添, 可能呢個習慣無左好耐
    家陣鍾意/習慣自己一個行街, 朋友係隔離掂埋黎, 仲會話佢" 好熱啊, 行遠少少"
    呢時戒左呢個習慣呢?真係唔知, 我反問朋友, 我有無挽過佢?佢話有喎,
    嘩, 我真係無印象, 唔好意思.
    或者我而家只係想挽住我鍾意既男人, 好似樹熊咁攬住, 寄生蟲咁痴住.

    查看(56) 評論(3)

  • 自我反省

    2009-8-19

    這些日子, 我都覺得係你將我甩落地.
    今日, 我突然諗到,會不會是我自己也有份拆散這感情?
     
    在其他事上, 我轉數可以稱得上快, 別人的感情事, 我也一看大約知是什麼回事
    我是典型的 "當局者迷, 旁觀者清".
    自己的感情, 總是慢幾拍, 節奏感不足, 可能這樣, 令到你不能投入. 而我亦放走左愛鍚你既機會.
    你病了, 我係好想親手把葯送到你手上, 但點解我沒有移步, 只是打電話安撫你, 問你食左葯未.
    我想你可以係我身邊, 但點解我不跟你說想你陪我? 而說成累了, 早點休息吧.
    你唔開心, 點解我要比你自己冷靜? 我其實應該要陪在你身邊.
    縱然我們已經斷了, 你問我點解大時大節唔出去, 我將個電話狠狠地擲開了,但其實我心入邊係好想可以同你一齊過節, 點解我唔同你講呢? 呢個可能係一個將我地合返埋一齊既機會, 點解我唔將果刻心想既野講出黎呢?
    係其他人面前, 我可以好坦白好軟弱, 但點解係最重要既時候, 我就口是心非同逞強
    錯, 錯晒!
    點解我就係咁笨手笨腳?
    我好嬲我自己, 原來拆散我地既係我自己.
     
     

    查看(54) 評論(1)

  • 心中的mv

    2009-8-02

    明知愛這種男孩子
    也許只能如此?!
    若我依然堅持忠誠
    難道你又適合安定?
    真可惜...
    　說要吻我的還未吻
    自己就夢中甦醒
    許多旁人說我不太明瞭男孩子...
    我也笑
    我原來是個天生的野孩子

    查看(35) 評論(0)

Open Toolbar