我的最新日誌

  • 澳門係奇臭既地方~

    2009-11-12

    1.提督馬路巴士站
    某日我響東望洋餅屋個巴士站等車,由於嗰日有D風,所以傳嚟一陣陣惡臭,因為巴士站正正放著幾個大型垃圾桶,唔臭就假,D人真係無腦.

    2.大三巴手信街
    居然一個旅客必到既一個景點如此臭氣沖天!!!!唔該有關部門都好好咁視察下啦,攪返好佢啦,D人仲夠膽叫人試食,想嘔就真!

    查看(751) 評論(5)

  • 2月14日

    2009-2-18

    今年既情人節三重驚喜...2月14日前一個星期我honey已問我攞公司地址,我心諗唔通送花俾我,因當時我又未有時間俾佢,佢又無再問,所以我諗佢可能送第二樣,2月13日我佢送左份禮物俾我,我搖左兩搖,問佢係咪書還是磚頭???佢唔啋我,一拆開~~~~嘩!!!係部相機,我想買左好耐既相機呀!!我當然好開心啦(嗰晚)
    2月14日(星期六)我遲左少少返工,但一返到去,就見有一大紮花放左響我檯面,上面又無稱呼又無署名,我心諗"係咪我架",等我同事返埋位我就問我同事嘞,咁我同事話無錯喎,佢係講你個名喎!咁我就打去honey度道謝一番啦!點知....一個鐘頭後,又有人拎住紮花嚟話俾我,又係無稱呼無署名既,當時我真係好亂....?????發生咩事....!!咁我又打去honey度確認下啦,佢反過嚟問我:多左紮,咁真係要問你至知啦!仲要我同佢解釋(咁我當然無話可說啦,咪唯有收線囉)....當時我都窒左窒!直到收左工時佢先話我知,兩紮都係佢送既,真係俾佢玩死!
    佢梗係想我以後收聲啦,因早前我響d老表面前話咁耐都係收過一紮花咁大把咋!!你話d男人幾唔襟激呢!

    查看(385) 評論(16)

  • 自從阿蔡少芬結婚後我就唔係咁鍾意佢...

    2008-12-18

    唔知點解???可能我唔鍾意佢老公啦.....

    響珠光寶器裡面,我覺得個個都做得好好,唯獨係蔡少芬做得最唔好,佢個樣好假,好似響度話俾人知佢係響度做緊戲咁,笑得又核突,尤其佢同岳華一齊時最攞命,假到無可再假,個口又大,同以前D戲差好遠!反而黎姿做得較好,但講到戲我始終鍾意邵美琪,佢當年做E面背後既女人真係浪費青春!!

    查看(42) 評論(1)

  • 突然想衣櫃裡的男人....(唔好心邪呀!!)

    2008-12-17

    梁漢文(娘炳)一個我都幾喜歡既男歌手,可惜唱極都唔紅!!由佢演繹悲慘情歌,真係聽到我心都軟晒,但我好憎佢剪尖尖既滴水,好睇咩??!

    查看(47) 評論(1)

  • 今時今日既所謂金童玉女..

    2008-12-11

    電視日日都響度講欣欣同亨亨,佢哋又唔係三頭六臂,突眼咩咀,結婚又唔係第一次(男),痴埋D富豪到亦唔係第一次(女),男既有幾爛滾,女既有幾蕩婦我諗無人不知,傳媒竟用上金童玉女嚟形容佢哋,我覺得佢哋配唔上更有糟蹋之嫌呢!
    另一PAIR金童玉女係敏敏同震震,今次唔知震唔震得成呢?!上當年大肆報導敏敏避世醫椰菜花,偽君子震震常與女星名字扯上,呢D咁既質地既人又話係金童玉女,那我真係唔希望人哋咁讚頌我同HONEY啦!!那幾張連環圖拍得真好,好清晰,唔似有D報章是但登個人影出嚟就話係某某...

    查看(55) 評論(2)

  • 由今日開始我要洗心革面

    2008-10-24

    徹底咁改變我既生活習慣, GOGOGOGOGOGOGO!!!!

    查看(50) 評論(0)

  • 某銀行職員

    2008-10-24

    我去年在家附近碰見這個人, 觀乎他的頭髮及衣著打扮, 相信他已成了瘋子, 頭髮長長而且很髒, 鬍子也有1CM長,衣衫不整, 對鞋似在垃圾桶拾的一樣, 神情呆滯, 不時站在路中心張望, 我的心很不舒服, 為什麼會弄得這樣子???! 是受了刺激嗎? 他的家人怎不好好看管他, 沒有去求醫嗎? 我滿腦子都是問題, 相信他也不過四十歲, 就這樣讓他渡過餘生嗎? 人真是這麼脆弱嗎?

    查看(46) 評論(0)

  • 陳慧琳有咩缺點呀?

    2008-10-08

    呢兩日都在講佢既婚禮, 老公, 家底, 咁佢有咩係唔好架, 我想知下.....等我唔使咁妒忌!!!

    查看(65) 評論(4)

  • 十月初五的月光..

    2008-9-23

    之前無睇到大結局, 故呢兩個禮拜都追睇, 故事既結局就好幸福啦(響現實生活嚟講), 但禮信並唔係君好至愛, 都算係遺憾! 最後佢哋都重遇上, 唔知有無下文呢??!

    查看(70) 評論(0)

  • 今日我終於領略到姐姐前年既心情啦...

    2008-9-23

    前年姐姐同我一齊去剪頭髮, 不幸的她左邊髮被剪多了, 局住前短埋右邊, 她當時已大表不悅之色, 足足留了成年先長及膊頭

    昨天我亦遇上同一命運, 經過是這樣....

    髮型師: 想點剪?

    我: 剪短到膊頭啦...

    髮型師: 咁要齊腳斜落定碎? (宜家興齊齊腳斜落...)

    我: 唔好齊啦, 碎啦! (都好清晰啦 )

    就係咁就開始左剪...., 由於我都長到背, 故要剪及膊既我係需要低下頭, 頸的部份我亦未對佢有懷疑, 到剪到側邊時, 那幾下快刀, 我已知不妥, 但奈何已剪了, 心想也不會太短吧!! 髮既然剪短了就讓他剪下去吧, 阻佢盞剪得更不倫不類, 終於剪好了, 看他的表情似乎很滿意自己, 我一看, 咆哮了一聲"冚家祥"(心裡) 因佢係叫阿祥...!! 我的髮同楊怡的差不多短, 她的是ONE LING而我的是短陰....嗚~嗚~嗚~

    我不動聲色的付錢, 我因太匆忙, 來不及提款, 故用了信用咭, TIPS一欄我劃了, 總數一欄我照找他的價錢, 一個仙TIPS都唔俾, 他還看了兩眼張單, 我罵著 "還需看麼, 沒有TIPS呀" ! (心裡), 我氣沖沖的上了車, 絕塵而去....路上連忙打給姐姐, 粗口也不禁地像連銖炮的出擊, 當然車窗是緊閉著, 冒著被罰都要吐苦水既我終於明白當日姐姐的心情了.... 

    今日朝早上班時見到長髮既女人, 就有觸境傷情既感覺啦...

    (頭髮..頭髮你要長快D !!)

     

    查看(66) 評論(4)

Open Toolbar