勁差香江溫泉度假酒店 !!!

今個復活節 ... 諗住好好享受入夏前最後一次溫泉 ...
聽講香江溫泉度假酒店係 07年10月先開 . 應該殘極有限 !!!
入到 LOBBY . 普普通通啦 ... 都尚算乾淨 ...
入住一幢幢o既別墅屋 ... 佢講一幢有二層 ... 分樓上樓下 , 每層有四至五房咁 ...
一層有麻雀 . 另一層就係卡拉 ok , 呢 d 就同一幢大家公用 ...
我地以為係同一個門口入去 ... 同一幢內有樓梯行上行落咁 ...
點知 ... 出事 !!
原來樓上樓下係分開兩個門口 ... 我地住樓下 . 就係麻雀 . 而樓上就係另一班團友住 ... 佢地就係卡拉 ok ~
仲有就係 d 房門係對正個廳 ... 直情係一間四房一廳o既單位咁 ..
同樓上就好似兩個單位咁 ...
我地諗左好耐 ... 行唔行上樓上好 ... 心諗萬一佢地走落黎打麻雀賴死唔走我地咪死 ... 所以都冇上 !!
我地換哂 d 衫 ... 諗住可以趁食晚餐前去溫泉度玩左先 !
去到溫泉 ..... 又出事 ~~~
溫泉地方好大 ... 人都唔算太多 ... 應該可以舒舒服服咁浸下 ....
開頭o個 d 普通溫泉都 ok ... 人又唔多 . 都幾乾淨 ...
但係浸下浸下 ... 行到去 d 按摩池吖 ... 咩香菊池 ... 玫瑰花池 ... 靈芝池 ... 就出事啦 ~~
唔洗細心睇 ... 都睇到好多好似死皮咁o既野o係池面浮浮下 ... (正確黎講好似好多人沖完涼 d 水咁)
真係見到驚 ... 我諗應該係開張到而家都未換過水 lor ~
酒店員服務態度又差 ... 又慢 ... 其中因為我唔小心 .. 唔記得攞返鎖匙就 "山"埋左隻房門 ..
由七點幾通知服務員 ... 到十點先黎開門 ... 仲要期間不停咁催 ... 真係吹帳 !!
另一件更吹帳 ... 就係我比較早起身 ... 八點幾我起左身 ... 企出門口食支煙仔 ..
(註 : 因為我班朋友唔吸煙的 ... 所以我唔會o係屋度食 ~~)
突然有個姐姐仔行過黎 ... 問我係咪要開房口 ...
我話 : 吓 !!! 尋晚七點幾叫 ... 你而家先黎我諗我都死左啦 ~~
真係吹到啤啤聲 !!!